ຣັດເຊຍ ໄດ້ຮັບຍົນສູ້ຮົບ Su- 34 ເພີ່ມຕື່ມ
ສຳນັກຂ່າວ ຫວຽດນາມ ລາຍງານໃຫ້ຮູ້ວ່າ: ບໍລິສັດການບິນສະຫະປະຊາຊາດ (UAC) ຂອງ ຣັດເຊຍ ປະກາດວ່າໄດ້ໂອນເຄື່ອງບິນຮົບ
Su-34 Fullback ຊຸດໃໝ່ໄປໃຫ້ກອງທະຫານອາວະກາດ ຣັດເຊຍ (VKS). Su-34 ແມ່ນເຄື່ອງບິນຂັບໄລ່ວາງລະເບີດໄລຍະກາງທີ່ສາມາດ
ປະຕິບັດໄດ້ໃນທຸກສະພາບອາກາດ.
ເຊິ່ງເປັນຜະລິດຕະພັນຂອງບໍລິສັດ Sukhoi, ມີຄວາມຍາວປະມານ 23.34 ແມັດ, ປີກກວ້າງ 14.7 ແມັດ ແລະ ສູງ 6.09 ແມັດ, ນຳ
ໃຊ້ເຄື່ອງຈັກ Saturn AL-31F ຈຳນວນສອງເຄື່ອງ ພ້ອມທັງໄດ້ຕິດຕັ້ງລະບົບເອເລັກໂຕຣນິກຕິດຕາມພູມສັນຖານ ແລະ ຄວາມສາມາດໃນ
ການຫຼີກເວັ້ນ ສະກັດກັ້ນເອເລັກໂຕຣນິກທີ່ທັນສະໄໝທາງອາກາດຂອງຝ່າຍກົງກັນຂ້າມ. ເຮືອບິນດັ່ງກ່າວນີ້ໄດ້ຮັບການສ້າງຂຶ້ນ ເພື່ອປະຕິບັດ
ພາລະກິດໂຈມຕີເປົ້າໝາຍທາງບົກ, ທາງອາກາດ ແລະ ທາງທະເລ ແລະ ໃນການປະຕິບັດໜ້າທີ່ສຳຫຼວດ.
ເຄື່ອງບິນ Su-34 ຍັງສາມາດບັນທຸກອາວຸດທາງອາກາດໄດ້ຫຼາຍຊະນິດ ລວມທັງລູກລະເບີດທີ່ນຳທາງເຊັ່ນ: KAB-500, KAB-1500,
ເຊັ່ນດຽວກັນກັບລູກສອນໄຟທາງອາກາດຈາກພື້ນດິນເປັນຕົ້ນແມ່ນ: Kh-29. Kh-31 ແລະ Kh-59. ສຳລັບການຕໍ່ສູ້ທາງອາກາດ, ເຄື່ອງບິນ
ສາມາດຕິດຕັ້ງລູກສອນໄຟ R-73 ແລະ R-77, ປືນໃຫຍ່ອັດຕະໂນມັດ 30 ມມ GSh-30-1 ສຳລັບການສູ້ຮົບໄລຍະໃກ້ຕື່ມອີກ.
ແຫຼ່ງທີ່ມາ: ໜັງສືພິມກອງທັບ
ວັນທີ 20/06/2024